Zulaibarreko Automatizazioko eta Robotika Industrialeko 2. mailako ikasleak Einnek bisitatu dute sistema automatizatuen diseinuan nola lan egiten den bertatik bertara ezagutzeko, EPLAN tresnaren bidez.

Bisitan zehar, ikasleak ingurune industrialeko prozesu eta erronka teknikoetara gerturatu ahal izan dira, ikasgelan ikasitako ezagutzak testuinguruan jarriz eta beren prestakuntzaren aplikazio praktiko berriak aurkituz.

Mota horretako esperientziek aukera ematen dute Lanbide Heziketa enpresen errealitatearekin lotzeko, irtenbide profesional berriak ezagutzeko eta egungo industriaren erronkei aurre egiteko funtsezkoak diren gaitasunak garatzeko.