Erronketan oinarritutako metodo hau sendotuta dago EAEko Lanbide Heziketako sisteman

Lanbide Heziketak aurrera egin du, besteak beste, ETHAZI (Etekin Handiko Zikloak) bezalako metodologiei esker. Ikuspegi berritzaile hau erronketan oinarritutako elkarlaneko ikaskuntzan oinarritzen da. Horrela, hezkuntza prozesua, ikasleek irtenbidea aurkitu behar dieten egoera problematikoetatik abiatzen da.

Erronka hauek motibatzaileak eta laneko errealitatetik hurbil egoteko diseinatuta daude, eta etorkizuneko lanbide ingurunean aurre egin beharko dioten zereginari aplika dakizkioke. Ikaslea erdigunean dago, eta modu aktiboan eta autonomoan garatzen du bere ikaskuntza, eta, horrela, bere garapen pertsonala eta konpetentziala sustatzen ditu. Horrela, heziketa-zikloaren berariazko gaitasun teknikoak eta zeharkako gaitasunak landuko dituzte, hala nola autonomia, talde-lana, komunikazioa eta emaitzetara bideratzea.

Oihartzuna duten erronkak

Erronketan egiten duten lana zuzenean aplikatzeak, haren erabilgarritasunak, beste maila batera eramaten du ikaskuntza. Aintzane Gezalak, Zulaibarko Gizarteratzeko Goi Mailako ikasleak, kontatu digu: “Adibidez, oraintxe prestatzen ari garen erronka, OinarrizkoLHko ikasleekin zenbait trebetasun, eguneroko trebetasun, nola landu behar diren da”. ETHAZI metodologia: motibazioa, ikaskuntza eta oihartzuna.