Bere lan akademikoaz gain, ikastegiak enpresak eta langile potentzialak harremanetan jartzen ditu

Zulaibar Lanbide Ikastegiak enplegua dinamizatzeko ekintzak egiten ditu Arratian, hezkuntza jardueraz gain. Ikastegiak langileak eta enpresak harremanetan jartzen ditu, eskualdea bultzatuko duen gizarte- eta lan-sare iraunkorra indartuko duten sinergia arinak sortzeko.

Interesdun orok enpresa@zulaibar.net helbide elektronikora bidal dezake bere CVa. Ikastegia arduratuko da hura mugitzeaz, enpresek helarazten dizkioten eskaeren arabera. Gainera, Zulaibarrek egoeraren arabera enpresek dituzten profilen beharren berri emango du. Adibidez, duela aste gutxi, zentroak jakinarazi zuen mekanizazioko eta elektrizitateko langileen behar berezi bat zegoela.