• HETELek, Euskadiko abantean Lanbide Heziketako ikastetxeen elkarteak, ikasturte honetan oraindik zer egingo duten erabaki ez duten gazteei dei egin die
• HETEL ikastetxeetako Heziketa Zikloetan batez besteko laneratze maila %72,5ekoa izan zen 2021ean, eta %90 ingurukoa industria-zikloetan
• Interesatuta dauden pertsonak HETELekin harremanetan jar daitezke webgunearen bidez edo 946202350 telefono-zenbakira deituz

Durango, 2022ko urriaren 10a. Euskadin Oinarrizko, erdi mailako edo goi mailako Lanbide Heziketako ikasketak egiteko matrikulazio-epea ostiral honetan, urriaren 14an, amaituko da, eta oraindik, laneratze handia duten arloetan plaza libreak daude. HETEL ikastetxeetan ematen diren heziketa zikloetan batez besteko laneratze-tasa %72,5ekoa izan zen 2021ean, eta %90 ingurukoa industria edo STEAM ikasketetan. Aurreikuspenen arabera, 2022ko azken promozioak kopuru horiek gaindituko ditu.

HETELek, Euskadiko Abantean Lanbide Heziketako ikastetxeen elkarteak, 11.500 ikasle baino gehiago dituzten 30 ikastetxe biltzen dituenak, oraindik erabaki gabe dauden gazteei dei egiten die, aurretiko izen ematea egin ez badute ere, ostiral honetara arte matrikula egiteko garaiz baitaude.

Izan ere, arlo batzuk ia laneratze osoa dute eta oraindik plaza libreak dituzte HETELeko ikastetxe batzuetan, hala nola, Fabrikazio Mekanikoak (Produkzioaren programazioa, Diseinua Fabrikazio Mekanikoan, Eraikuntza Metalikoak, Mekanizazioa, Soldadura). Julen Elgeta HETELeko presidenteak azpimarratu duenez, “arlo hau Euskadin oso errotuta dago, laneratze handia izan du pandemiako unerik zailenetan, lan-baldintza oneko lanpostuak ditu, ordainsari ona dutenak, eta automatizazioan, digitalizazioan eta, oro har, kualifikazio gero eta altuagoetan aurrera egiten duen sektorea da”. Antzeko kasua da Elektrizitatea eta elektronika arloan gertatzen dena, bere zikloetan zenbait plaza libre baititu, batez ere goi mailako zikloetan, laneratze handiarekin baita ere. Bi kasuetan, lanbide-arlo horietako goi mailako zikloak amaitu ondoren ikasleek ikasten jarraitu dezakete, urtebeteko espezializazio-ikastaroen bidez.

Bestalde, HETELek aurrematrikulazioetan jaso duen bezala, osasun arloarekin zerikusia duten heziketa zikloak berehala plazarik gabe geratu dira, eta HETELeko presidenteak pandemiari ere egotzi egin dio, sektore horretan bokazioak piztu baititu. Bestalde, ia ez dago plaza librerik Informatikako arloan, eta “hori albiste ona da, azken urteetako egoera iraultzen ari baita, eta gainera, laneratze handiko familia ere bada” Elgetak dioenez.

HETEL

HETEL Euskadiko Lanbide Heziketako 30 abantean ikastetxek osaturiko elkartea da. Guztira 11.500 ikasle baino gehiago ditu, eta bere misioa Euskadiko Lanbide Heziketa hobetzea, prestigioa ematea eta buru izatea da. Horretarako, kalitateko zerbitzu publikoa eskaintzen die ikasleei, enpresei eta, oro har, euskal gizarteari, herrialde-ikuspegi batetik eta nazioarteko begiradarekin.